07.08.08 00-00 - 03-00 (GMT +2:00)

Zenisthar 66 SD APO, бінакуляр Sky Master 15x70

Сённяшняя астранамічная ноч была лепшай за апошнія паўгода. Неба было вельмі празрыста, і калі ў 01-00 амаль выключылася гарадское вулічнае асвятленне, Млечны шлях глядзеўся як сапраўдныя аблокі, а вокам відаць зоркі да 6 m.
Назіраў толькі з лёгкімі прыладамі, Zenisthar 66 на фоташтаціву, бінокль з рук.

Юпітэр. На павелічэнні да х100 раз адгадвалася ВЧП (GRS).

Агледзеў Ліру, М57 - плямка (відаць і ў бінокль, як зоркападобны аб'ект), епсілан Ліры на х100 распаўся на 4 зоркі, для 66 мм тэлескопа - аб'ект складаны.
Адразу адшукаў і неаднаразова вяртаўся да М 13

Адшукаў, любаваўся да 3-х ночы:
М92 - яркі шаравічок.
М25 – зорны кластэр, хораша.
Тры побач: М18 - зорны кластэр, М17 Амега- зорны кластэр з імглістасцю, вельмі цікавае гледзішча, М16 Арол.
М11 - Вушак Дзікіх качак, вельмі хораша на фоне воблака Млечнага Шляху.
М26 - зорны кластэр, імглістая плямка.
М10, М12 - два шаравічка, нізка над гарызонтам.
М75 - шаравічок, нізка над гарызонтам.
М72 - шаравічок, імглістая пляма.
М73 - 4 зоркі, калі не ведаць што шукаць, то і не знойдзеш.
М2 і М15 - яркія шаравічкі , знайшоў бінокль.

Таксама любаваўся астэрізмам "Вешалка" і зорнымі палямі і Млечным Шляхам у Лебедзю, Шчыце і т.д.

Месяц, 15 хвілін назад